Мөрөн хот тохижилт үйлчилгээний төвийн хог хаягдлын хэсгийн ажилчид амралтын өдрүүдэд ажиллаж байна. Коронавирүсний халдвараас урьдчилан сэргийлэх зорилгоор албан байгууллагуудын хог хаягдлыг дуудлагын дарааллын дагуу хогийг ачиж тээвэрлэж байна. Мөн 10-р багт чингэлгээр, 7-р багт ковшоор ачилт явагдаж байна. Мөрөн сумын Онцгой комиссын  энэ сарын 12-ний өдрийн 02 дугаарт албан даалгаврын хэрэгжилтийн хүрээнд гэр хорооллын хог хаягдлыг түргэтгэх зорилгоор УСНААК ХХК-ний сонитрак, универсал трактороор өчигдрөөс эхлэн нэмэлтээр 7-р багийн ил задгай асгасан хог хаягдлыг ачиж тээвэрлэж байна. Хот тохижилт үйлчилгээний төвийн хамт олон иргэд цар тахлаас урьдчилан сэргийлэхийн тулд  хогоо ил задгай хаяхгүй байх хэрэгтэй байна. Бид эрүүл цэвэр орчныг бий болгохын төлөө ажилласаар байна. Иргэн та ч гэсэн хичээгээрэй гэдгийг уриалж байлаа.

Б.Туяа