2019.07.02 / БИЛГИЙН ТООЛЛЫН 30

ЗУНЫ ДУНД ЦАГААН МОРЬ САРЫН

ДОЛООН УЛААН МЭНГЭТЭЙ ЦАГААН ХУЛГАНА ӨДӨР

Үс засуулбал: Эрлэг лугаа учирна

Наран ургах, шингэх: 05.01-20.55

Барилдлага: Үхэх 

Шүтэн барилдлага: Хуран үйлдэхүй 

Суудал: Ус

Аргын тооллын 7 сарын 2, Ангараг гараг. Билгийн тооллын битүүн, Хэрцгий охин одтой, цагаан хулгана өдөр. Өдрийн наран 5 цаг 01 минутад мандан, 20 цаг 55 минутад жаргана. Тухайн өдөр луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр элдэв үйлд хянуур хандах хэрэгтэй ба ан, гөрөө хийх, мал, адгуус муулах, гарагийг тахих, хүүхэд үрчлэн авах, хур оруулах, дарханы үйлд сайн. Улааны үйл, төлөг тавих, морь уралдах, хиншүү хярвас гаргахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.