Маргааш зах, барааны дэлгүүр, худалдааны төв хэвийн ажиллана
2021-06-18 15:11:51, 1066

 Хөвсгөл аймагт коронавирусний  халдварын тархалтыг хумих зорилгоор маргаашаас эхлэн хөдөлгөөний хязгаарлалт 10 хоног хийнэ. Энэ үеэр Мөрөн суманд зах, худалдааны төв, барааны дэлгүүр  Мэргэжлийн хяналтын байгууллагын тогтоосон шаардлагын дагуу үйл ажиллагаа хэвийн явуулж болно. Харин шаардлага хангаагүй үйлчилгээний байгууллагын үйл ажиллагааг зогсоож холбогдох арга хэмжээг авах үүргийг Мэргэжлийн хяналтын газрын даргад үүрэг болгожээ.  Хөдөлгөөний хязгаарлалтын үеэр бүх төрлийн баяр ёслол, тэмдэглэлт ойн арга хэмжээ, хурал цуглаан, хурим найр, цайллага, хүлээн авалт, жагсаал цуглаан, цахим болон бүх төрлийн тоглоомын газар, өргөтгөсөн үзэсгэлэн худалдаа, саун, дэн буудал, амралт жуулчны баазуудын үйл ажиллагааг хоригложээ. Мөн сургалтын төв, чийрэгжүүлэх, бялдаржуулах төв, шашны зан үйл, сүм хийд мөргөлийн газрууд, айлд зочлох, зочин урих, бүжгийн клуб, хүүхдийн тоглоомын болон сагсан бөмбөг, хөл бөмбөгийн талбайн үйл ажиллагааг хязгаарлаж байгаа ажээ.

Б.Ганаа



Маргааш зах, барааны дэлгүүр, худалдааны төв хэвийн ажиллана

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 1
  • Сэтггэгдэл үлдээсэн: 2021-06-18 15:27:34
    ?????: хязгаарлагдмал үед ажиллаад ч хэрэг байна уу даа түрээс төлдөг хүмүүс нь хий л хүнгүй түрээс төлөх биз