Хөвсгөл аймгийн Тариалан суманд энэ сарын 6-нд коронавирүст халдварын 3 тохиолдол илэрсэн. Батлагдсан 3 тохиолдлын 1-р хавьтлаас 6 дахь хоногт буюу энэ сарын 11-нд 3 тохиолдол нэмж батлагдсан байна. Тус сумаас орох гарах хөдөлгөөнийг хориглож 7 цэгт хяналтын пост, явуулын 24 цагийн 2 хяналт нийт 9 пост ажиллаж байна.

Сумын Засаг даргын нөөц хөрөнгөнөөс  сумын Эрүүл мэндийн төвд нэн шаардлагатай халдвар хамгааллын комбинзон 40 ширхэг, санитол, бээлий , N95 маск, хогийн уут  зэрэг  нэг сая гаруй төгрөгийн халдвар хамгааллын хувцас хэрэглэлийг шийдвэрлэн өгсөн байна.  Тус суманд ойрын хавьтлын 44 иргэн тандалтад байна гэдгийг Тариалан сумын Засаг дарга Х.Эгиймаа мэдээллээ.

Б.Ганаа