Хөвсгөл аймгийн Засаг даргын 2024-2028 онд хэрэгжүүлэх “Бүтээлч-Хөвсгөлчүүд” үйл ажиллагааны хөтөлбөрийн хүрээнд эрүүл мэндийн чиглэлээр 1 зорилго 7 зорилт бүхий 30 арга хэмжээг тусгажээ.

Хөтөлбөрийн хүрээнд хүн амын дундах эрт илрүүлэг үзлэгийг эрчимжүүлэх ажлыг үе шаттай зохион байгуулах ажлууд эхэлсэн байна.

Орон нутгийн хөгжлийн сангийн хөрөнгө оруулалтаар аймгийн Нэгдсэн эмнэлгийн дурангийн кабинетад бүдүүн гэдэсний дуран бүхий 3 төрлийн 4 ширхэг тоног төхөөрөмжийг аймгийн Засаг дарга Л.Төмөрбаатар гардуулан өглөө.

Хөвсгөл аймгийн иргэд орон нутагтаа зөвхөн ходоодоо дурандуулдаг байсан бол өнөөдрөөс эхлээд орон нутагтаа бүдүүн, шулуун гэдэсний дурангийн шинжилгээнд хамрагдаж, үрэвсэл, шарх, хавдар эрт үедээ оношлогдох боломж бүрдлээ гэдгийг Хөвсгөл аймгийн ЭМГ-ын дарга М.Үүрийнбаяр хэллээ.

Б.Туяа