“Хөх сувд” олон улсын мөсний баярын мөсөн хотхоныг энэ жил “Монголын гайхамшиг” сэдвийн хүрээнд Д.Цэрэнбат ахлагчтай мэргэжлийн баг урлаж байна.

Тус багийн хамт олон Финланд Хейнола олон улсын мөсөн сийлбэрийн тэмцээнд тэргүүн байр, БНХАУ-ын зүүн хойд мужийн Харбин хотод жил бүр уламжлал болгон зохион байгуулдаг цас, мөсний фестивальд 2019 онд "Нарны хатан" бүтээлээр гуравдугаар байрт шалгарч байсан туршлагатай хамт олон юм.

Мөн нийт урлаачдын дунд 2 сарын 13-15-ы өдрүүдэд  “Монголын гайхамшиг” сэдвийн хүрээнд мөсөн урлалын тэмцээн болох юм.

Хөвсгөл аймагт өвлийн аялал жуулчлалыг хөгжүүлэх зорилготой "Хөх сувд" мөсний баяр ирэх сарын 13-23-ны өдрүүдэд Хатгал тосгоны Хайчийн аманд болно.

Өвлийн аялал жуулчлалыг хөгжүүлэх ажлын хүрээнд жил бүр болдог мөсний баяр энэ жилийн хувьд 10 хоног болж өргөжиж байгаагаараа онцлог юм.

Б.Ганаа