Хөвсгөл аймагт “Оюутан цэрэг” хөтөлбөр хэрэгжиж байна

2023-06-19 14:26:45, 868

Жиргэх Хуваалцах

Хөвсгөл аймагт анх удаа Оюутан цэрэг хөтөлбөр хэрэгжиж байна. Тус аймаг дахь Политехник коллежийн оюутнууд хөтөлбөрт хамрагдаж байна.

Оюутнуудаас төвшин тогтоох шалгалт авч тэнцсэн сурагчдыг “Тусгай үүргийн бэлтгэл” шатны сургалтад хамруулахаар Орхон аймагт байрлах Зэвсэгт хүчний 186 дугаар ангийн сургалтын төв рүү явуулах юм.

Хөвсгөл аймгийн ЗДТГ-ын Цэргийн штабын дарга, хурандаа С.Батхуяг сурагчдад хандаж хэлсэн үгэндээ “Монгол Улсын үндсэн хуулиар хүлээсэн иргэний цэргийн үүргээ биелүүлж "Оюутан цэрэг" хөтөлбөрт хамрагдаж буй залуустаа амжилт хүсэж, богино хугацаанд цэргийн эрдэмд шамдан суралцаж олон аавын хүүхдүүдтэй эв эеийг эрхэмлэн, нутаг усныхаа нэрийг өндөрт өргөж явахыг захиж байлаа.Зэвсэгт хүчний 186 дугаар ангийн сургалтын төвд Сэлэнгэ, Булган, Хөвсгөл, Орхон зэрэг аймгуудаас “Оюутан цэрэг” хөтөлбөрт хамрагдаж буй сурагчид цуглаж нэгдсэн сургалтад хамрагдах юм.

Хөвсгөл аймагт 18-25 насны 8000 гаран залуус байна. Жилдээ хугацаат цэргийн албыг 300 орчим залуус биеэр хаадаг ажээ.

Б.Тамир

Жиргэх Хуваалцах

Хөвсгөл аймагт “Оюутан цэрэг” хөтөлбөр хэрэгжиж байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0

Шинэ мэдээ