Үндсэн хуулийн цогцолборын шав тавилаа
2022-11-22 16:43:59, 90

Хөвсгөл аймгийн Мөрөн суманд Төр нийгмийн нэрт зүтгэлтэн, Үндсэн хуулийн эхийг баригч Монгол Улсын хөдөлмөрийн баатар, гавьяат хуульч доктор профессор Б.Чимид агсны нэрэмжит Үндсэн хуулийн цогцолборын шавыг тавилаа.

Б.Чимид нь Монгол улсад хууль зүйн  албыг хөгжүүлэх, хууль тогтоомжийг боловсронгуй болгох, төрийн ардчилсан шинэ тогтолцоог бүрдүүлж хэвшүүлэх, шинэ ардчилсан Үндсэн хуулийг боловсруулахад үнэтэй хувь нэмэр оруулж, ардчилсан Үндсэн хуулийг батлахад эхийг баригчаар ажилласан бөгөөд 1992 онд Монгол Улсын гавьяат хуульч цол олгож байжээ.

Тус арга хэмжээнд  Чимид сангийн тэргүүн Ч.Сайнсанаа болон аймаг орон нутгийн удирдлагууд, Иргэдийн хурлын төлөөлөгч нар оролцлоо. Цогцолборын зураг төсөв, санхүүжилтийг  Чимид сан бүрэн хариуцах ажээ.

Б.Ганаа



Үндсэн хуулийн цогцолборын шав тавилаа

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0