Сүүлийн 10 жилд 138 хүн зам тээврийн ослын улмаас амь насаа алджээ
2022-06-20 21:20:25, 76

Жил бүр улсын хэмжээнд уламжлал болгон зохион байгуулагддаг “Орон нутгийн зам хөдөлгөөний соёл” арга хэмжээ энэ жил “Аажуу явбал аяндаа хүрнэ дээ” уриатайгаар өнөөдөр нээлтээ хийлээ.

Хөвсгөл аймгийн хэмжээнд сүүлийн 10 жилд авто тээврийн хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, ослын улмаас 138 хүн амь насаа алдаж, 316 хүн гэмтэж бэртэж, хөдөлмөрийн чадвараа алдсан байна.

Тус аймаг хүн ам, тээврийн хэрэгслийн тоогоор улсын хэмжээнд өнгөрсөн оны судалгаагаар аймгуудаас хамгийн олон байдаг байна. Хөвсгөл далай, Дархадын хотгор, Даян дээрхийн агуй зэрэг байгалийн үзэсгэлэнт газрыг чиглэсэн аялагчид, амрагчид, жуулчдын хөдөлгөөн зуны улиралд эрс нэмэгддэг учраас зам тээврийн осол гэмтэл эрс нэмэгддэг байна. Иймээс аялагч, амрагч иргэдийг замын хөдөлгөөнд оролцохдоо хурд хэтрүүлэхгүй оролцож осол гэмтлээс сэргийлэхийг энэ үеэр уриалж байлаа. 
Б.Ганаа


Сүүлийн 10 жилд 138 хүн зам тээврийн ослын улмаас амь насаа алджээ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0