Хөвсгөлд Улаанбаатар хотоос жилд дунджаар 700-800 орчим иргэд шилжин ирдэг
2021-10-14 16:18:01, 1325

 Хөвсгөл аймгийн Засаг даргын орлогч,  Дотоодын шилжилт хөдөлгөөний ажлын хэсгийн ахлагч М.Хуягбаатар НҮБ-ын Олон улсын шилжилт хөдөлгөөний байгууллагын Монгол дахь хөтөлбөрийн менежер Виктор Лунтенког хүлээн авч уулзлаа.

Хөвсгөл аймаг  бусад аймгуудтай харьцуулахад аймаг доторх шилжилт хөдөлгөөн харьцангуй өндөр аймагт тооцогджээ. Тодруулбал жилд дунджаар 30 гаруй мянган иргэд сум хооронд, сумаас аймагт  шилжилт хийдэг  судалгаа гарсан  байна. Xарин Улаанбаатар хотоос жилд  дунджаар албан ёсны бүртгэлтэй 700-800 орчим иргэд шилжин ирдэг бол  коронавируст халдварын  нөxцөл байдлаас шалтгаалаад зөвxөн Xатгал суманд 1000 гаруй иргэд түр хугацаагаар шилжин ирж амьдарч байгаа гэнэ.

Тус уулзалтаар шилжилт, хөдөлгөөний талаар авч хэрэгжүүлэх хөтөлбөрийг илүү нарийвчлан боловсруулах, судалгаа хийх, иргэдийн аюулгүй байдал, эрхийн асуудал дээр анхаарал хандуулан хамтран ажиллах талаар санал солилцлоо.

Б.Туяа 

 



Хөвсгөлд Улаанбаатар хотоос жилд дунджаар 700-800 орчим иргэд шилжин ирдэг

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0