Хөвсгөл аймгийн Засаг даргын захирамжаар хүнсний ногоо тариалдаг иргэдийн бүтээгдэхүүнийг борлуулах, Мөрөн сумын иргэдийг хямд үнэтэй хүнсний ногоогоор хангах зорилгоор “Хүнсний ногооны түр цэг”-ийг Далай ээж захын урд байгуулахаар болжээ. Төмс, хүнсний ногоо тариалсан аж, ахуйн нэгж, иргэд хураасан ногоогоо тус цэгт 10 дугаар сарын 20 хүртэл  түрээсийн төлбөргүй худалдан борлуулах боломжтой гэнэ. Хөвсгөл аймгийн хэмжээнд өнгөрсөн хавар 295 га-д төмс, 204 га-д хүнсний ногоо тус тус тариалсан байна. Одоогоор түүвэрлэн хурааж эхэлсэн байна.

Б.Алтан