Хөвсгөл аймгийн 18 суманд бяслагийн үйлдвэр байгуулна
2022-02-17 21:32:20, 1072

Хөвсгөл аймгийн 18 суманд УИХ-ын гишүүн Ц.Даваасүрэнгийн санаачилгаар бяслагийн үйлдвэр байгуулна.

Тус аймаг улсдаа мал сүргээрээ тэргүүлдэг учраас хөдөө аж ахуйн бүтээгдэхүүн үйлдвэрлэх бүрэн боломжтой юм.  Өнгөрсөн оны улсын төсөвт Галт, Жаргалант, Цагаан-Уул, Рэнчинлхүмбэ, Цагаан-Үүр, Их-Уул, Рашаант, Тосонцэнгэл зэрэг 8 суманд бяслагийн үйлдвэр байгуулах 4 тэрбум төгрөг  тусгасан. Ажлын гүйцэтгэгчээр  "Хан-Аттрибут"  компани  шалгарч энэ онд бяслагийн үйлдвэрүүдийг ашиглалтад оруулахаар ажиллаж байна.

Мөн энэ оны улсын төсөвт Алаг- Эрдэнэ, Арбулаг, Бүрэнтогтох, Төмөрбулаг, Түнэл, Тариалан, Улаан-Уул, Цэцэрлэг, Шинэ-Идэр, Эрдэнэбулган зэрэг 10 суманд бяслагийн үйлдвэр байгуулах 5 тэрбум төгрөгийг   тусгасан. Орон нутагт бяслагийн үйлдвэртэй болсноор малчид цагаан идээгээ боловсруулан дотоод болон гадаад зах зээлд борлуулж,  орлого  олох  ач холбогдолтой гэдгийг Хөвсгөл аймгийн Хүнс хөдөө аж ахуйн газрын дарга Я.Эрхэмбаяр хэлж байлаа.

Б.Гантуяа 



Хөвсгөл аймгийн 18 суманд бяслагийн үйлдвэр байгуулна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 2
  • Сэтггэгдэл үлдээсэн: 2022-02-20 15:10:56
    ??? ???????????. : Сайхан ажилыг санаачилж ажил болгож байгаад баяр хүргье.
  • Сэтггэгдэл үлдээсэн: 2022-02-18 17:13:47
    ?????: Сумандаа бяслагны үйлдвэр барих дээр ганц хуруугаа ч болов хөдөлгөөч. Манай сум үхэр олонтой, хамгийн боломжийн хэдэн суманд багтана шүү дээ.