Мал маллагааны арга туршлагаараа нутгийн олноо манлайлж, мал сүргээ олон жил тогтмол өсгөхдөө адуун сүргийнхээ чанарыг сайжруулж, жил бүр төл бүрэн авч, ажил үйлсээрээ тэргүүлсэн Хөвсгөл аймгийн Цагаан-Уул сумын Өвгөд багийн малчин Намсрайн Галсанжамцын гэр бүл “Алтан төлийн эзэн” боллоо.

Н.Галсанжамц нь 8-р анги төгссөнөөс хойш тасралтгүй 28 жил мал маллаж байгаа бөгөөд адуун сүргийг өсгөн үржүүлж сүүлийн 3 жил төлөө 100 хувь бойжуулснаар Алтан унаганы эзэн хэмээх шагналыг хүртлээ.

Монголын радиогийн санаачилсан Таван эрдэнэ нэвтрүүлгийн хүрээнд жил бүр “Алтан төлийн эзэд”-ийг шалгаруулдаг уламжлалтай. 44 дэх жилдээ тодруулж буй энэ жилийн "Алтан төлийн эзэд"-ийг Монголын үндэсний радио, Жендэрийн үндэсний хорооноос хамтран гэр бүлээр нь шагнадаг болж байгаагаараа онцлог юм.  

Б.Амирлан