Хөвсгөл аймагт өнөөдрийн байдлаар 16 сумын 54 багт шүлхийн 21 голомт бүртгэгдээд байна. Голомтуудад 91835  толгой мал өвчилж, 80782 толгой малын шинж тэмдэг арилж, 267531  толгой малыг дархлаажуулсан байна. Тус аймгийн хэмжээнд нийт 16 суманд хорио цээрийн дэглэм хэрэгжиж, байнгын 120 хяналтын пост, хөдөлгөөнт 43 эргүүл  45 техник хэрэгсэлтэй ажиллаж байна. Тус аймгийн Бүрэнтогтох, Цагаан-Уул, Хатгал, Шинэ-Идэр, Төмөрбулаг, Тосонцэнгэл, Галт, Цэцэрлэг, Арбулаг, Баянзүрх, Их-Уул, Түнэл, Эрдэнэбулган, Чандмань-Өндөр, Тариалан, Рашаант гэсэн суманд өвчлөл бүртгэгдээд байна гэж Хөвсгөл аймгийн Мал эмнэлгийн газраас мэдээллээ.