Өнгөрсөн баасан гарагт Хөвсгөлийн залуус Чингүнжавын талбайд "ЗАЛУУСАА ДЭМЖЬЕ" жагсаал зохион байгуулж нийтдээ 221 иргэд, залуус дэмжиж байгаагаа илэрхийлж гарын үсэг зуржээ. Залуус  энэ үеэр хоймор нутагт ажлын байр байхгүй, залуусаа дэмжихгүй байна, бид ХӨВСГӨЛДӨӨ хөгжиж амьдармаар байна гэдгийг онцолж  аймаг орон нутагтаа хийж шийдвэрлүүлэх санал хүсэлтээ илэрхийлж байлаа.

 Тайван жагсаалд ирсэн  залуучууд санал хүсэлтээ нэгтгэж  аймгийн удирдлагуудад өгөх гэсэн боловч цоожтой хаалга мөргөсөн байна. Тодруулбал аймгийн ИТХ-ын дарга Г.Мөнгөнхуяг, Ш.Идэрбаясгалан нар   хотод ажлаар яваа гэнэ.

Засаг даргын үүд цоожтой, туслах  байгаагүй тул  ИТХ-ын даргын туслахад шаардлагаа өгчээ. Хоймор нутгийн залуус аймгийн удирдлагуудад “АЖЛАА ХИЙ”-хийг шаардаж, аймаг орон нутагтаа шийдвэрлэж болох иргэд залуучуудын гаргасан санал хүсэлтийг нэгтгэн хүргүүлсэн байна.