Рэнчинлхүмбэ сум киоск машинтай болж иргэний улсын бүртгэлийн 20 гаруй төрлийн лавлагаа олгож байна
2023-03-21 17:25:42, 535

Хөвсгөл аймгийн Рэнчинлхүмбэ  сумын Засаг даргын тамгын газар   төрийн үйлчилгээг түргэн шуурхай, чирэгдэлгүй  хүргэх зорилтын хүрээнд киоск машин байрлуулж  иргэдэд үйлчилж эхэлсэн байна.   Хөвсгөл  аймгийн сумдаас анх удаа Рэнчинлхүмбэ сум   киоск машиныг  орон нутгийн хөгжлийн сангийн  хөрөнгөөр шийдвэрлэн авсан байна.

Киоск машинаас Улсын бүртгэлийн байгууллагаас иргэдэд үзүүлдэг иргэний улсын бүртгэлийн 20 гаруй төрлийн лавлагаа болон тоон гарын үсэг авах боломжтой юм. Цаашид Е- Монголиад орсон 110 нэр төрлийн лавлагаа бүртгэлийг олгох боломжтойгоор шинэчлэгдэж, бүртгэлийн үйлчилгээ авахад төлдөг төлбөр хураамжийг пос машинтай холбогдож төлдөг болох ажээ.

Рэнчинлхүмбэ сум нь аймгийн төвөөс 265 км алслагдсан сум бөгөөд иргэд лавлагаа, мэдээлэл  авахын тулд  Мөрөн явах шаардлагагүй болж төрийн үйлчилгээг нэг дороос хялбар хурдан шуурхай авах болсондоо талархалтай байна гэдгийг  хэлж байлаа.

Б.Ганаа



Рэнчинлхүмбэ сум киоск машинтай болж иргэний улсын бүртгэлийн 20 гаруй төрлийн лавлагаа олгож байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0