Цэцэрлэг суманд 19 мянган толгой мал хорогджээ
2020-03-25 23:12:17, 123
Хөвсгөл аймгийн Цэцэрлэг суманд цас их орсны улмаас хаваржилт хүндэрч 19272 толгой мал хорогдож цаашид нэмэгдэх төлөвтэй байна.
 
Тус суманд энэ  сарын эхний арав хоногт ихэнх нутгаар жиндүү, хүйтэн, салхи шуургатай 3 удаа цас орсон байна. Өнөөдрийн байдлаар цасны дундаж зузаан 60-65 см, гуу жалга хунгарласан газраа 100-150 см, хөрийн зузаан 15-35 см, цасны нягт 0,25-0,28 г/см3 хатуурсан зузаан цастайн улмаас “цагаан зуд”-ын нөхцөл бүрдсэн гэнэ.
 
Цэцэрлэг сум 7 багтай, 5009 хүн ам, 836 малчин өрх, 285 хот айл хаваржиж байна. Цагаан-Уул сум болон Завхан аймгийн сумдад отроор 25 өрхийн 81 хүн, үүнээс, хүүхэд 29, өндөр настан 5 байгаа бөгөөд нийт 15858 толгой мал оторлож байгаа ажээ.
 
Б.Ганаа


Цэцэрлэг суманд 19 мянган толгой мал хорогджээ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0