800 мянган мод тарих аян ирэх сарын 6-наас эхэлнэ
2023-04-28 14:18:01, 306

Хөвсгөл аймаг Монгол Улсын Ерөнхийлөгчийн санаачилсан "Тэрбум мод" үндэсний хөдөлгөөний хүрээнд энэ онд 847000 мод, бут сөөг тарьж ургуулахаар төлөвлөж байна.

Цаг агаарын нөхцөл байдлаас шалтгаалан аймгийн хэмжээнд мод тарих аяныг 5 дугаар сарын 6-30-ны хооронд зохион байгуулна.

Тус аймгийн  Мөрөн суманд  5 сарын эхээр мод тарих бол хойд сумд буюу Дархадын хотгорт цаг агаар хүйтэн, газар хөлдүү байдаг учраас мод тарих ажлыг 5 дугаар сарын сүүлээр хийхээр болжээ.

Хөвсгөл  аймаг  “Тэрбум мод” үндэсний хөдөлгөөний хүрээнд “Ногоон суварга босгоё” дэд хөтөлбөрийг хэрэгжүүлж, өнгөрсөн онд  нийт  650530 ширхэг мод бут, сөөг тарьж ургуулсан байна.

 

Үүнээс хамгаалалтын зурваст 2,6 га, шинээр байгуулсан ойн зурвас 15,7 га, улсын орон нутгийн төсвийн хөрөнгө, ойн мэргэжлийн байгууллагын өөрийн хөрөнгөөр хийсэн ойжуулалт 156,1 га талбайд 388,750 ширхэг тарьц суулгажээ. 

Б.Ганаа

 



800 мянган мод тарих аян ирэх сарын 6-наас эхэлнэ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0