Хөвсгөл нуурт хар, цагаан хил гарсан байгааг анхааруулж байна
2021-02-23 21:36:39, 175

Ойрын өдрүүдэд цаг агаар дулаарсан тул Хөвсгөл нуурын мөсний зузаан багасаж бяцралт үүссэн зарим газруудад хар, цагаан хил гарсан байгаа тул ард иргэдийг мөсөөр зорчихгүй байхыг Хөвсгөлийн улсын тусгай хамгаалалттай газрын хамгаалалтын захиргаанаас анхааруулж байна.

Өнөөдрийн байдлаар иргэдийн ихээхэн зорчдог Ханхын замын чиглэлд  Хадан хүй орчимд  хар, цагаан хил гарсан байна. Цагаан хил гэдэг нь мөс хагарч хоорондоо мөргөлдөн овоорч барааны газраас мөсөн уул мэт харагддаг бол хар хил гэдэг нь хагарсан мөс хоёр тийш ангайн завсар гарч дундуур нь ус мэлтэлзэж байхыг хэлдэг ажээ. Хар хилний хэмжээ бүр өөр өөр байдаг бөгөөд гарсан хилний нэг нь 1 метр хүртэл өргөнтэй байгаа учраас иргэдийг Хөвсгөл нуурын мөсөн дээгүүр зорчихгүй, баталгаат зам гүүрээр явж байхыг  анхаарууллаа.

Б.Ганаа



Хөвсгөл нуурт хар, цагаан хил гарсан байгааг анхааруулж байна