Хүн ам орон сууцны тооллогын ирц 93 хувьтай байна
2020-01-14 18:43:38, 511

Хөвсгөл аймгийн хэмжээнд хүн ам орон сууцны тооллого амжилттай үргэлжилж өнөөдрийн байдлаар ирц 93 хувьтай байна. Тус аймагт Үндэсний Статистикийн хорооны үндэсний тооцоо судалгаа шинжилгээний газрын дарга А.Дэмбэрэлээр ахлуулсан баг хяналтын тооллого хийж байна.  “Энэ удаагийн тооллогын онцлог нь бүртгэл болон статистикийн мэдээллийг хослуулж байгаа гэдгээрээ онцлог. Тодруулбал, нийт мэдээллийн 90 хувийг бүртгэлд суурилж буюу хүн ам, өрхийн мэдээллийн сангаас бүрдүүлнэ. Тооллогын үеэр иргэд өөрийн харьяа хороо, багийн ажилтан дээр очиж өрхийн мэдээллээ шинэчлэх боломж бий. Мөн тооллогын үеэр ажиллах цахим хуудас руу нэвтэрч өрхийн мэдээллээ шинэчилж болно” гэдгийг Үндэсний Статистикийн хорооны үндэсний тооцоо судалгаа шинжилгээний газрын дарга А.Дэмбэрэл хэлж байв. Хөвсгөл аймагт хүн ам орон сууцны тооллогод 173 тоологч, шалгагч ажиллаж  байна.

Б.Ганаа



Хүн ам орон сууцны тооллогын ирц 93 хувьтай байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0