Гэр бүлийн аз жаргалыг би хувьдаа эрүүл, энх, элэг бүтэн хамтдаа байхыг хэлдэг гэж боддог. Аав маань биднээс хол ажилладаг болохоор ээж дүү бид гурав аавыгаа их санадаг. 

Аав маань өдөр болгон утсаар ярьдаг ч ирэхийг нь их л хүлээдэг дээ.

Саяхан надад ийм явдал тохиолдсон юм. Амралтын өдөр байсан болохоор аавтайгаа удаан тухтай ярилцах гэсэн боловч аавын маань утас холбогдохгүй л байлаа. Үдэш 10 цагийн орчим гэнэтхэн хаалга тогших чимээ гарлаа. Би очоод үүдээ нээтэл харин аав маань инээгээд зогсож байлаа. Баярласан үед дуу ч гардагггүй хөдөлж ч чаддаггүйг тэгэхэд л анх мэдэрч билээ. Тэгээд би аавыгаа тэврээд зөндөө их уйлсан. Аав маань биднийг баярлуулахаар хэнд ч хэлээгүй ирсэн нь тэр байсан бөгөөд дүү маань аавдаа эрхлээд нэлээд олон хоног албандаа яваагүй юм. Би гэр бүлээрээ дандаа хамт байхыг хүсдэг. Энэ бодол ганцхан миний бодол биш хүүхэд бүрийн чин хүсэл, бодол байх гэж боддог. 

Аав ээж маань нэгнийгээ маш их хүндэлдэг. Би аав ээжээсээ бусдыг хүндэлж бусдыг хайрлахын ухааныг суралцаж явна.

 2017 онд би Дэлхийн аварга шалгаруулах Цээж тоололын 22 дах удаагийн тэмцээнд оролцохоор Малайз улс руу явсан юм. Намайг тэмцээнээсээ мөнгөн цом аваад  эх орондоо эргэж ирэхэд эмээ, өвөө, Өнөрөө аниа, Чука агаа, Содоо агаа, ээж  тосоод зогсож байсан.Өвөө эмээгээ тосож авна гэж бодоогүй болохоор баярласандаа би өвөөгөө харангуут л нулимс тогтохгүй уйлж  гарсан  бөгөөд тэнд хүүхдүүдээ тосох гэж ирсэн бүх хүмүүсийг өвөө бид хоёр уйлуулсан байсан нь одоо бодоход их инээдэмтэй байж билээ. Манай гэр бүл өнөр олуулаа эмээ өвөө хоёр маань 11 хүүхэдтэй бөгөөд хүүхдүүд нь их эв найрамдалтай дандаа нэг нэгэндээ сэтгэлээсээ тусалдаг нь надад их сайхан байдаг. Би ийм ухаантай эмээ өвөөгийн үргэлжлэл учраас тэдэн шигээ сайн хүн болж гар бүлийнхээ бахархал болохыг хүсдэг. Надад олон сайхан дурсамж бий. Би том болоод гэр бүлдээ тохиолдсон хөгжилтэй дурсамжаараа ном хэвлүүлэхийг хүсдэг. Бас Өнөрөө эгч шигээ яруу найрагч болно. Манай гэр бүлд жаргалтай дурсамж зөндөө бий.Үргэлжлэлийг миний номноос уншаарай.

 

 

МУУГЗ Ж.Бадраагийн нэрэмжит Улсын тэргүүний Дэлгэрмөрөн цогцолбор сургуулийн 7Г ангийн сурагч Б.Мягмар