Цам харайх ёслолыг иргэд их сонирхож байв
2019-07-30 02:31:34, 132

Мөрөн хот үүсэж хөгжсөний 210 жилийн ой, Хотгойдын хурд-4 наадмын үеэр Мөрөн хотод Цам харайх ёслол болов. Цамын бүжгийг Монголын Бурхан шашинтны Гандантэгчинлэн хийдийн лам нар дэг жаягийн дагуу хийж үзүүлсэн нь наадамчин олны сонирхолыг хамгийн их татсан арга хэмжээ байлаа.Урт цагаан сахалтай, цагаан дээлтэй өвгөний дүр бүхий багтай хүн буюу урт наст Цагаан өвгөн урт нас, удаан жаргал, өлзий хутга, буян хишгийг олон түмэнд түгээн элгэмсүү дотноор цамнан бүжиж хишиг буянаа хайрлан сүсэгтэн олонд идээ будаа тараан өгдөг. Цам бүжиг нь нэг талаасаа соёл урлагийн нандин өв мөнөөс гадна нөгөө талаасаа аливаа зовлон зүдгүүр, муу бүхний үндсийг таслан амирлуулах, байгаль дэлхийгээ аргадах бэлгэдэл, зорилготой шашны зан үйл юм. Цам үзсэн хүний сэтгэл ариусаж, нэгэн насны буян заяаг нь дээшлүүлдэг гэж бэлгэшээдэг ажээ.

Б.Туяа 



Цам харайх ёслолыг иргэд их сонирхож байв

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0