Хөвсгөл аймгийн Залуучуудын хөгжлийн төв, Хөвсгөл аймаг дахь Политехник коллеж, Хүнс, хөдөө аж ахуйн газар, Хөдөлмөр, халамжийн үйлчилгээний газар хамтран Залуучуудын хөгжлийн сарын аяны хүрээнд “Шинэ цагийн илгээлтийн эзэд” арга хэмжээг зохион байгуулж байна.

Залуучуудыг ажил хөдөлмөрт суралцуулах, нийгмийн хөгжил, бүтээн байгуулалтад залуучуудын оролцоог нэмэгдүүлэх, малчид, тариаланчдад дэмжлэг үзүүлэх зорилгоор Хөвсгөл аймаг дахь Политехник коллежийн 150 гаруй оюутан залуучууд төмс хураалтын ажилд оролцож байна. 

Нэг оюутны өдрийн ажлын хөлс 30,000 төгрөг байгаа бөгөөд тариаланч иргэн цалин, хоолны  зардлыг хариуцан оюутан залуусыг ажиллуулж байгаа ажээ.

Б.Туяа