Хөвсгөл аймгийн Засаг даргын захирамжийн дагуу аймгийн Гэр бүл хүүхэд залуучуудын хөгжлийн газар, Мэргэжлийн хяналтын газар, Эрүүл мэндийн газар, Онцгой байдлын газрын  хамтарсан ажлын хэсэг өдөр өнжүүлэх үйлчилгээнд хяналт шалгалт хийж байна. Энэ үеэр   өдөр өнжүүлэх, давтлагын үйл ажиллагаа эрхэлж байгаа иргэдийн өдөр өнжүүлэх үйлчилгээ эрхлэхэд тавих нийтлэг шаардлагын хэрэгжилтэд хяналт шалгалт хийж, мэргэжил арга зүйн зөвлөгөө өгч стандартын шаардлага хангаж буй эсэхэд  үнэлгээ өгч байна. Тус аймгийн хэмжээнд 12 өдөр өнжүүлэх үйл ажиллагаа явуулж байна. Үүний 10 нь Мөрөн суманд, Тосонцэнгэл, Баянзүрх суманд тус бүр нэг ажиллаж байгаа ажээ.