Ардын хувьсгалын 99, Хөвсгөл аймаг байгуулагдсаны 89 жилийн ойн их баяр наадам 7 дугаар сарын 11-12-ний өдөр болно. Наадмаар 6 насны морь болон бага эрлийз, дунд эрлийз гэсэн нийт 8 насны морьдын уралдаан бөгөөд уралдаанч хүүхдүүдийг маргаашаас эхлэн Гэр бүл хүүхэд залуучуудын хөгжлийн газарт бүртгэж эхэлнэ. Энэ жил коронавирүсний халдвараас сэргийлэх зорилгоор хүүхэд бүрийг амны хаалт зүүх, хүүхэд хамгааллын даатгалд даатгуулах, стандартын хувцас хэрэглэл өмссөн байх, эцэг эхээс зөвшөөрөл авсан байх, морины эзэн уяач нартай аюулгүй байдлын гэрээ хийсэн байх, эмчийн үзлэгт орсон байх зэрэг шаардлагыг тавьж байгаа ажээ.

Б.Туяа