Хөвсгөл аймгийн ерөнхий боловсролын 31 сургуульд урлаг, утга зохиолоор дамжуулж, хүүхдийн хүмүүжил, хандлага төлөвшилд эерэг нөлөө үзүүлэх, тэдний бүтээлч сэтгэлгээ, авьяас чадварыг хөгжүүлэх зорилгоор Утга зохиолын дугуйлан байгуулж хичээллүүлэхээр болжээ.

Тус дугуйланг хичээллүүлэх чиглүүлэгч багш нарыг чадавхжуулах сургалтад хамруулсан байна. Утга зохиолын дугуйлангийн  нээлтэд  Хөвсгөл аймгийн 23 сум, 1 тосгоны ерөнхий боловсролын 31 сургуулийн 30 багш нар танхим болон цахимаар оролцлоо.

Дугуйланд найман 7 хоногийн хугацаанд 330 сурагчийг хамруулан турших бөгөөд зохиолч, яруу найрагч О.Элбэгтөгс, Ц.Гончиг болон БШУГ-ын мэргэжилтэн О.Оюунтунгалаг нар зөвлөн чиглүүлж ажиллах ажээ.