Хөвсгөл аймагт сүүлийн 24 цагт коронавируст халдварын  тохиолдол 354 бүртгэгдсэний 13 тохиолдол нь PCR шинжилгээгээр, 341 тохиолдол нь эмнэлзүйн оношлогоогоор батлагдсан байна. Өнөөдрийн байдлаар аймгийн Нэгдсэн эмнэлэгт 681, гэрээр   2378 хүн эмчлүүлж байна. Тус иргэдийн дотор маш хүнд 3, хүнд 34, хүндэвтэр   148, хөнгөн 2874 иргэн байгаа гэнэ.  Нийт халдвар авсан иргэдийн тоо 12046-д хүрсэн байна.  Иймээс  халдвар хүн амын дунд тархсан өнөөгийн нөхцөл байдалд иргэн бүр хариуцлагатай байж, өөрийн эргэн тойронд байгаа жирэмсэн эх, дархлаажуулалтад хамрагдаагүй 12-оос доош насны хүүхэд, 65-аас дээш насны ахмад настнууддаа илүү анхаарал хандуулах хэрэгтэйг Эрүүл мэндийн газраас зөвлөж байна.  

Б.Ганаа