Хөвсгөлд 28 эрүүл мэндийн байгууллага дээр хүүхдийн зуны сувилал ажиллаж байна
2020-07-31 13:14:58, 1046

Хөвсгөл аймгийн Эрүүл мэндийн газраас эцэг эхчүүдийн эрүүл мэндийн боловсролыг дээшлүүлэх, бага насны хүүхдийн өвчлөлийг бууруулах гэрийн асаргаа сувилгааг сайжруулах зорилгоор 28 эрүүл мэндийн байгууллага дээр хүүхдийн зуны сувилал ажиллаж байна. Тухайлбал Тосонцэнгэл сумын Эрүүл мэндийн төв 2 ээлжээр 60 гаруй хүүхдийг сувилж байна. Энэ үеэр өрхийн ЭМТ-ийн эмч, сувилагч нар эцэг, эхчүүдтэй хамтран хүүхдийг нарны илчинд шар сүүгээр угааж, тараг, сүү, бантан зэрэг эмчилгээний хүнсээр хооллож байна. Мөн эмийн бус эмчилгээ буюу хүүхдэд иллэг, массаж хийх аргачлалыг эцэг эхчүүдэд зааж сургаж байгаа юм. Үүнээс гадна хүүхдийн хооллолт, асаргаа сувилгаа, наршилт, гэдэсний халдвар, осол гэмтлээс сэргийлэх талаар эмч нар сургалт мэдээлэл хийж байна. Сувиллын үйл ажиллагаа 7-10 хоногийн хугацаанд үргэлжилж байгаа ажээ.

 

Б.Ганаа


Хөвсгөлд 28 эрүүл мэндийн байгууллага дээр хүүхдийн зуны сувилал ажиллаж байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0