Солонгос улсад шинэ төрлийн коронавирүсний халдварын тохиолдол эрчимтэй нэмэгдэж байгаа учраас Хөвсгөл аймгийн Нэгдсэн эмнэлгийн Халдвартын тасагт 2 иргэнд ажиглалтын тусгаарлалт хийж шинжилгээний сорьцыг авч Халдварт өвчин судлалын үндэсний төвд илгээжээ.
Тусгаарлагдсан иргэдийн биеийн байдал сайн, эмнэл зүйн шинж тэмдэг илрээгүй ч халдварын эрсдэл өндөртэй тул тархвар судлалын үйл ажиллагааны хүрээнд тусгаарлалт хийж байна. Тодруулбал тусгаарлагдсан иргэн С энэ сарын 20-нд Бусанаас Улаанбаатарт онгоцоор ирж Улаанбаатар хотод эгчийндээ 1 хоноод 21-нд автобусаар Мөрөн суманд ирсэн.
Харин иргэн Б 2 сарын 12-нд Улаанбаатараас Сөүл Улаанбаатар чиглэлийн онгоцны нисгэгчээр ажилласан бөгөөд энэ сарын 19-21-нд дээрх чиглэлд дахин нислэг үйлдэж 22-нд өөрийн хувийн машинаар Хөвсгөлд ирсэн байна. Ажиглалтын тусгаарлалтад байгаа 2 иргэний шинжилгээний хариу маргааш гарах ажээ.
Б.Ганаа
Хөвсгөл аймагт 2 иргэн ажиглалтын тусгаарлалтад байна |
Сэтгэгдэл бичих