Сураггүй болсон иргэнийг эрэн хайж байна
2021-11-25 09:47:45, 1650

Хөвсгөл аймгийн Алаг-Эрдэнэ сумаас  Төмөрбулаг сумын харьяат иргэн Э энэ сарын 18-ы өдөр гэрлүүгээ мотоциклтой яваад сураггүй болсон дуудлага өчигдөр аймгийн Онцгой байдлын газарт ирсэн байна.

Тус аймгийн Онцгой байдлын газар, сумын Цагдаагийн хэсгийн алба хаагчид, сумын Засаг даргын Тамгын газрын ажилтнууд, ар гэрийнхэн иргэн Э-г эрэн хайх ажиллагааг 3 бүлэгт хуваагдан зохион байгуулсан боловч үр дүнд хүрээгүй байна.

Тодруулбал нэгдүгээр бүлэг сумын төвөөс эхлэн хойд зүгт 2 дугаар багийн Цагаан-Үзүүр гэдэг газар хүртэл 5 км-т явганаар, сумын төвөөс Эгийн голоор Өлхөний-Ам гэдэг газар хүртэл 6 км завиар урсаж, 2 дугаар бүлэг сумын төвөөс зүүн хойд зүгт 4 дүгээр багийн Хавиргын даваа гэдэг газар хүртэл 2 км-т, 3 дугаар бүлэг сумын төвд 5 км-ын тойрогт явганаар болон автомашинтай эрэн хайх ажиллагааг зохион байгуулжээ. Эрэн хайх ажиллагаа өчигдөр үр дүнд хүрээгүй тул оройн 18 цаг 30 минутад түр зогсоож өнөөдөр  9 цагт дахин эхлүүлсэн байна.

Б.Туяа 


Сураггүй болсон иргэнийг эрэн хайж байна

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0