Хөвсгөл аймгийн хэмжээнд ИТХ-ын 2024 оны ээлжит сонгуулийн санал хураалт албан ёсоор 7:00 цагт эхэллээ.   Орон нутгийн сонгуульд нийт 552 мандатын төлөө 1084 нэр дэвшигч өрсөлдөж байна.

Тодруулбал, аймгийн ИТХ-ын 41 мандатын төлөө Монгол ардын нам, Ардчилсан нам, Иргэний оролцооны нэгдэл нам гэсэн 3 намын 82 нэр дэвшигч өрсөлдөнө.

Сумын ИТХ-д 23 суманд 511 мандатын төлөө 1014 нэр дэвшигч өрсөлдөж байна.

Өглөөний 7 цаг 30 минутын байдлаар санал хураалтын явцад гарсан зөрчил дутагдалгүй байна гэдгийг Хөвсгөл аймгийн Сонгуулийн хорооны дарга Б.Одончимэг мэдээллээ.

Б.Ганаа