Титаник компани малчидтай хамтран Хөвсгөлийн брэнд болсон сүүн бүтээгдэхүүн үйлдвэрлэнэ
2023-07-31 21:21:57, 482

Хөвсгөл Титаник компани “Мал аж ахуйн эдийн засгийн эргэлтийг нэмэгдүүлэх төслийн хүрээнд “Сүү нийлүүлэх тогтолцооны менежмент дэд төсөл”-ийг хэрэгжүүлж эхэллээ.

Төслийн үр дүнд малчидтай хамтран Хөвсгөлийн брэнд болсон цагаан идээг үйлдвэрлэж зах нийлүүлэхийг зорьж байна.

Титаник компани нь  30 дахь  жилдээ үйл ажиллагаагаа явуулж байгаа Хөвсгөл аймгийн ууган хүнс үйлдвэрлэгчдийн нэг юм. Өнгөрсөн онд 70 гаруй малчидтай хамтран ажиллаж 100 гаруй тонн сүү хүлээн авч 30 тонн бүтээгдэхүүн үйлдвэрлэж зах зээлд нийлүүлсэн бөгөөд аймгийнхаа  сүү, сүүн бүтээгдэхүүний 25 хувийг дангаараа хангаж байгаа юм.

Эхний ээлжид малчдаас эрүүл сүүг худалдан авахын тулд стандартын савыг малчдад олголоо. Цаашид малчдад малын эрүүл мэнд, үр ашиг болон төсөл хэрэгжүүлэх газрууд дахь өртгийн сүлжээний эдийн засгийн эргэлтийг нэмэгдүүлэх талаар онол дадлага хосолсон сургалтыг зохион байгуулах юм байна.

Төсөлд 120 гаруй малчин өрхийг хамруулж  сүү, сүүн бүтээгдэхүүнийг худалдан авч амт чанартай цагаан идээг үйлдвэрлэн Хөвсгөл төдийгүй бусад аймаг хотуудад борлуулах ажээ.

Б.Ганаа

 



Титаник компани малчидтай хамтран Хөвсгөлийн брэнд болсон сүүн бүтээгдэхүүн үйлдвэрлэнэ

Сэтгэгдэл бичих

АНХААРУУЛГА: Уншигчдын бичсэн сэтгэгдэлд khuvsguliinungu.mn хариуцлага хүлээхгүй болно. khuvsguliinungu.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0