Хөвсгөл аймгийн хэмжээнд төмс хүнсний ногооны хураалт ид явагдаж байна. Харин ургац хураалт ирэх 7 хоногоос эхлэхээр төлөвлөж байна. Аймгийн хэмжээнд энэ зун нийт нутгаар бороотой байсан учраас үр тарианы болц оройтсон байна. Энэ онд  үр тариа 16431 га талбайд тариалснаас улаан буудай 16140 га,арвай 122 га, овьёос 169 га талбайд тариалжээ.   Мөн ногоон тэжээл 637.5 га, тосны ургамал 873 га, төмс 277.8 га 185.02 га талбайд тус тус тариалалт хийсэн байна. Энэ сарын дундуур цаг агаар хүйтрэх төлөвтэй байгаа учраас тариаланчид ирэх 7 хоногоос үр тариа хураалтыг эхлүүлэхээр бэлтгэл ажлаа хийж байна гэдгийг Хүнс хөдөө аж ахуйн газрын газар тариалан хариуцсан мэргэжилтэн Г.Энхбилэг мэдээллээ.

Б.Ганаа