Хөвсгөл аймгийн Мөрөн хотод ашиглалтад орж байгаа “Шинэ Мөрөн” хорооллын эхний 135 айлын орон сууцыг иргэдэд түрээсээр олгохоор болсон. Гэхдээ тодорхой хугацаа заан өргөдөл хүсэлтийг хүлээн авч дууссаны дараа ахмад настан, төрийн албан хаагч, хөгжлийн бэрхшээлтэй иргэд гэж квотлоод нийт иргэдийг оролцуулан сугалаагаар нээлттэй ил тодоор орох иргэдийг тодруулна гэдгийг Хөвсгөл аймгийн ерөнхий архитектор Г.Бадамсэрээжид мэдээллээ. Харин иргэдийн дунд буй өргөдөл хүсэлтийг нууцаар авч дууссан гэсэн мэдээлэл нь ор үндэслэлгүй ташаа мэдээлэл гэв. Орон сууцыг барьж эхэлсэнээс хойш иргэд өөрсдийн сайн дураар өргөдөл ирүүлсэн гэнэ. Иргэдээс ирсэн өргөдөл хүсэлтийг буцааж болохгүй, хүлээн авах хуультай учраас нийтдээ 300 гаруй өргөдөл болсон байна. Тун удахгүй хэвлэл мэдээллээр тодорхой хугацаатай зар мэдээлэл олон нийтэд хүргэж 135 айлын орон сууцанд орох хүсэлт өргөдлийг хүлээн авах ажээ.
Б.Ганаа
| 135 айлын орон сууцанд орох иргэдийг сугалаагаар нээлттэй тодруулна |
Хөгжлийн бэрхшээлтэй иргэд “ХУРДАН” цэгээр 470 гаруй үйлчилгээг авч эхэллээ 2024-04-26 12:37:41
Үндэсний хэл бичгийн мэдлэг тодорхойлох судалгаанд 79,64 хувьтай хамрагдаад байна 2024-04-16 10:42:41
Тайгын иргэдэд гадаад паспорт захиалах үйлчилгээг хүргэлээ 2024-04-16 10:31:53
“Оюутан цэрэг” хөтөлбөр хэрэгжиж байна 2024-04-16 10:27:45
Сэтгэгдэл бичих