Хөвсгөл аймгийн Мөрөн сумын 40 мянга дахь иргэнээр Мөрөн сумын 7-р багийн иргэн Т.Эрдэнийн 5 дахь хүү Идэртэмүүлэн тодорлоо. Мөрөн сумын 40 мянга дахь иргэнийг тодруулах сумын Засаг даргын захирамж гарч ажлын хэсэг байгуулагдан журмыг боловсруулан мөрдөж ажилласан байна. Ажлын хэсгийхэн 9 сард төрсөн хүүхдүүдийг цаг минуттай нь бүртгэн авч ажиллажээ.
40 мянга дахь иргэн энэ оны 09 сарын 26 өдөр Мөрөн сумын Нэгдсэн эмнэлэгт төрсөн бөгөөд Т.Эрдэнэ, Ц.Ичинхорлоо нарын 5 дахь хүүхэд нь ажээ. Хөвсгөл аймгийн Мөрөн сумын хөгжил цэцэглэлтийн түүхийг гэрчлэн “40,000 дахь иргэн”-ээр тодорсон Эрдэнэ овогтой Идэртэмүүлэн баяр хүргэж Мөрөн сумын Иргэдийн төлөөлөгчдийн хурал, Засаг даргын тамгын газар, аймгийн Статистикийн хэлтсээс хүндэтгэл үзүүлж “40,000 дахь иргэн”-ий батламжийг нь гардуулан өгч хүндэтгэл үзүүллээ.
Б.Гантуяа
Мөрөн сумын 40 мянга дахь иргэн тодорлоо |
|
Сэтгэгдэл бичих