Өдрөөс өдөрт хүйтний хэм нэмэгдэж байгаа энэ үед аж ахуйн нэгж, иргэд өвлийн бэлтгэлээ базаасаар байна. Мөрөн суманд түлээний үнэ ханш эрс өссөн учраас иргэдийн худалдан авалт муу байгааг худалдаачид хэлж байна. Мөрөн суманд портер машин түлээ 250-270 мянган төгрөг, зил-130 машин түлээ 530-570 мянган төгрөг, маяти машинаар ачсан түлээ 600 мянган төгрөгний үнэ ханштай байна.

Түлээний эрхийн бичиг буюу иргэдийн хэлж заншсан гоожингийн үнэ нэмэгдээгүй боловч бензин шатахууны үнэ нэмэгдсэн нь үнэ өсөх шалтгаан болсон гэнэ. Иргэдийн хэрэглээний түлээний үнэ ханш өмнөх жилээс 100-120 мянгаар өссөн байна.

Б.Гантуяа